ЕУ не разгледува воведување санкции против Русија поради Сирија
Високиот комесар на Европската унија за надворешни работи и безбедност Федерика Могерини изјави дека земјите-членки на унијата не разгледуваат воведување нови санкции поради ситуацијата во Сирија. Ова го изјави таа во понеделникот по завршувањето на седницата на Советот на ЕУ, пренесува „Лента.ру“.
ЕУ и САД најавуваат санкции против поддржувачите на Асад
„Не, не дискутиравме санкции против Русија. Ниту една земја од ЕУ не го предложи тоа“, истакна таа, одговарајќи на прашање на новинарите.
На 8 декември портпаролот на рускиот претседател Дмитриј Песков потенцираше дека продолжувањето на санкциската реторика од страна на САД предизвикува жалење кај Москва.
Претходно заменик-министерот за надворешни работи на Русија Сергеј Рјабков исто така изрази мислење дека обидите за закана со санкции за она што се случува во Сирија ја покажуваат целосната немоќ на земјите од Западот.