Кремљ бара извинување од „Фокс Њуз“ за навреда на Путин
Претходно претседателот на САД Доналд Трамп во интервју за новинарот на „Фокс Њуз“ Бил О’Рајли зборуваше за почитта што ја има спрема рускиот претседател. О’Рајли му напомена на Трамп за обвинувањата кои Западот ги изнесуваше на адреса на Москва и го нарече рускиот лидер „убиец“. „А што мислите? Зар нашата земја е толку невина?“, изјави Трамп како одговор на тоа, потенцирајќи дека за САД е „подобро да се согласуваат со Русија, отколку обратно“.
Трамп ги оцени перспективите на своите односи со Путин
„Ние ги сметаме таквите зборови од страна на кореспондентот на телевизиската компанија „Фокс Њуз“ за недопустливи, навредливи. И, искрено кажано, повеќе би сакале да добиеме извинување на адреса на претседателот од таква почитувана компанија“, изјави Песков за новинарите, коментирајќи го прашањето за реакцијата на Трамп на обвинувањата на адреса на Путин од страна на новинарот.
Притоа одговорот на Трамп Песков не сакаше да го коментира.
„Што се однесува до изјавата на претседателот на САД, во наведениот случај би ја оставил без коментар“, потенцираше тој, пренесува РИА „Новости“.