„Блумберг“: 4 членки на НАТО би сакале да бидат под воена заштита на Русија
Русија ја избраа жителите на Бугарија, Грција, Словенија и Турција.
Во исто време, како главна закана за безбедноста Бугарите и Грците ја наведоа Турција, која исто така е членка на НАТО и теоретски треба да се смета за сојузник. Турската окупација на северниот дел на Кипар во 1974 година покажа дека граѓаните на овие земји не може да сметаат на заштита на Алијансата, па затоа ја избираат Русија, истакнува агенцијата „Блумберг“.
Најголемиот дел од испитаниците би сакале да ги имаат на своја страна САД, но истражувачите истакнуваат: луѓето активно реагираат на промените во структурата на меѓународната безбедност која се формираше по студената војна.
Така, Кинезите ја избраа за посакуван сојузник Русија, Русите - Кина. Ова, според заменик-претседателот на здружението ВИН/Галуп Канчо Стојчев, покажува дека политиката на САД во последните дваесет години довела до зближување меѓу Москва и Пекинг.
Русите повторно сакаат да се дружат со Западот
„Тоа е чудно, бидејќи во фундаментална смисла, Русија е дел од Европа“, истакнува Стојчев.
Деканот на Школата за економија и наука при Универзитетот во Сент Гален (Швајцарија) Џејмс Дејвис смета дека резултатите од истражувањето, исто така, укажуваат на верски раскол во Европа. Грците и Бугарите ја одбираат православна Русија, украинското и босанското општество се поделени по религиозни линии. Притоа претежно православната Романија ги избира САД, а католичката Словенија - Русија.
„Кога ги учам осумнаесетгодишните студенти, гледам дека старата добра солидарност пред лицето на советската закана за нив е архаична“, истакнува Дејвис.
Покрај тоа, по американската кампања во Ирак, сѐ помалку Европејци сметаат дека САД треба да ја играат улогата на глобален лидер. Со доаѓањето на Доналд Трамп во Белата куќа довербата на граѓаните на ЕУ во Вашингтон само ќе опаѓа, додава експертот.
Социолозите анкетираа повеќе од илјада луѓе во секоја од 66 земји кои беа вклучени во студијата. Статистичката грешка изнесува 3,5-5 процентни поени, пренесува РИА „Новости“.