Русија ќе ги остави во сила ограничувањата за увоз на турски продукти

„Россељхознадзор“ не планира да ги укине важечките ограничувања за испорака на продукти од Турција, изјави за весникот „Известија“ портпаролот Јулија Мелано.

Испораките на пченица од Русија во Турција запрени поради царините

Под забрана остануваат испораките на замрзнато месо и производи од кокошки и мисирки, свежи и оладени домати, краставици и корнишони, свежо грозје, јаболка, круши, јагоди и шумски јагоди.

Од Министерството за земјоделство на Русија истакнаа дека „прашањето за целосно или делумно укинување на ограничувањата за испорака на турски земјоделски и овошни производи треба да се дискутира истовремено со укинувањето од турска страна на реципрочните ограничувања спрема руските производи“, пренесува РИА „Новости“.

Од друга страна, Турција соопшти дека на Анкара не ѝ одговараат руските ограничувања и визниот режим и затоа донела одлука да воведе царина за житото кое доаѓа од Русија, изјави претседателот на Здружението на извозници на Турција Мехмет Бујукекши, пренесува ТАСС.