Медиум: слаба Европа е главниот „профит“ што го посакува Путин
Во моментов треба да биде очигледно дека новата норма на руското однесување на меѓународната сцена вклучува мешање во изборите во западните демократски земји за промовирање на кандидати кои, според Кремљ, најверојатно, ќе му одат од рака, и за изведување напади врз оние кандидати кои нема да прават ништо слично на тоа, пишува „Вашингтон Пост“.
Токму на тој начин, вели изданието, Москва постапи во текот на американските претседателски избори во 2016 година. „Разузнавачките служби на претседателот Владимир Путин“ сега ги применуваат своите трикови во Европа, вклучително и во однос на главните економски сили на континентот: Германија и Франција.
Кремљ ги отфрла обвинувањата за хакирање на сајтот на штабот на Макрон
Како и Хилари Клинтон, чиј предизборен штаб беше под надзор на Кремљ, и Макрон и Меркел без двоумење ја осудуваат „агресијата на Москва во Украина“. Покрај тоа, тие се залагаат за поддршка на економските санкции против Русија кои, како што тврди „Вашингтон Пост“, „го разбеснија господинот Путин“.
Резултатот е цела серија иницирани од страна на Москва сајбер-напади со кои, најверојатно, раководеше руското воено разузнавање, тврди изданието.
Во услови на бура од извештаи за создадени „под раководство на Русија“ лажни вести, лажни веб-сајтови, фишинг и други трикови применувани од „сајбер-воините на господинот Путин“, Кремљ по минатогодишниот успех со „штетното влијание“ врз американската политика сега има намера да ги подложи на истото изборите во другите клучни земји на Западот, смета весникот.
На претстојниот втор круг на претседателските избори во Франција Москва се надева на победа на кандидатот-националист Марин Ле Пен, која земаше кредити од руски банки. Покрај тоа, таа се залага за укинување на антируските санкции и со презир гледа на Европската Унија. Нејзината политика ја ослабe Европа и заби клин меѓу западните демократии – „токму таков профит од инвестициите се надева да добие господинот Путин со своите интервенции“, потенцира изданието на крај, пренесува RT.