Австриски министер: Обвинувањата на адреса на Русија се шпекулации
Во Москва се одржа средба меѓу министерот за внатрешни работи на Австрија Волфганг Соботка и неговиот руски колега Владимир Колокољцев, соопштува „Ди Пресе“. Тие дискутираа за прашања поврзани со борбата против тероризмот, организираниот криминал и сајбер-криминалот.
Руските „сајбер-единици“ меѓу најдобрите на светот
Изданието смета дека е интересно тоа што Соботка пристигна во посета на Русија во пресрет на предвремените избори во Австрија и потсетува дека Москва не ја обвинуваат за сајбер-напади само САД, туку и Франција. Сепак, австрискиот министер е убеден дека нема да се случи ништо слично во неговата земја. Според него, обвинувањата против Русија се само „шпекулации“.
Соботка истакнува дека Австрија не е во опасност. Наоѓајќи се на крстопатот на Истокот и Западот, неговата земја има за Русија поинаква важност од Франција и САД. „Русија секогаш била многу, многу учтива спрема нас. Ние не сме меѓународен фактор во прашањата за Средниот Исток или Либија. Затоа, руската страна нема причина да влијае на нешто во Австрија, во смисла на безбедноста“, изјави австрискиот министер, пренесува RT.