Uavgjort for Berge og Sheffield
Sander Berge fekk 81 minutt da Sheffield United spelte 1-1 heime mot Brighton. Sheffield United-manager Chris Wilder meiner det var Berges beste kamp for laget så langt.
– Eg synest det var hans beste prestasjon for oss. Han spelar i ein annleis posisjon for oss, men eg trur han knapt gav bort ballen. Pasningsspelet hans var strålande, seier Wilder til NRK etter kampen og legg til:
– Han spelar under stort press, men han har vore eineståande. Eg er sikker på at han vil vekse og vekse.