Under 13.20 på Henrik Ingebrigtsen
Henrik Ingebrigtsen avslutta med 58-runde og kom i mål på 13.19,65 på 5000-meteren på Bislett – suveren årsbeste i verda. Det er berre fire sekund bak hans personlege rekord i eit løp der han måtte gjere mykje av jobben sjølv. Sindre Buraas var hare den første halvparten, men farten var litt for låg til 13.15, som er Ingebrigtsen sin personlege rekord. Deretter drog Ingebrigtsen heile vegen. – Eitt av mine beste løp, sa han til NRK.