Carlsen vann etter armageddon
Magnus Carlsen slo Fabiano Caruana etter remis og påfølgjande armageddon i Norway Chess. – Det blei litt nervøst i armageddon-partiet, sa Magnus Carlsen til TV 2 rett etter at han hadde vunne. Han var lenge pressa i det klassiske partiet og hadde på eitt tidspunkt ein time meir att på klokka enn Carlsen, men forsvarte seg godt og makta remis. – Det var litt tilfeldig at det heldt. Men då han hadde ein time meir igjen, hadde eg etablert eit godt forsvar, så eg trudde eg skulle ro remisen i land. – Det var nok litt freistande på slutten å gå for siger. Men eg hadde litt for lite tid att, sa Carlsen. Han fekk 1,5 poeng for sigeren, mot 1 for Caruana. Carlsen er dermed framleis i tetkampen når tre rundar står att. Han er eitt poeng bak Alireza Firouzja, som også vann etter armageddon i kveld.