Omikron-smitte på konsert
0
Ein av gjestene på DeLillos-konserten på Folken i Stavanger laurdag kveld er stadfesta smitta av omikron-varianten av koronaviruset. Leiinga ved Folken melder at dei er varsla av smittesporingsteamet i Stavanger kommune om dette.
– Vi blei varsla torsdag ettermiddag, og har brukt heile kvelden til å kontakte konsertgjengarar per SMS, e-post og telefon, seier dagleg leiar Jesper Brodersen.
Folken ber om at alle konsertgjester snarast bestiller time til PCR-test.
Dette er det andre stadfesta tilfellet av omikron-varianten i Rogaland. Det første smittetilfellet blei påvist i Sandnes tysdag.