Thor Gjermund Eriksen fekk «Målblomen»
Avtroppande kringkastingssjef Thor Gjermund Eriksen fekk «Målblomen» under landsmøtet til Noregs Mållag i dag.
Styret i Noregs Mållag deler ut målblome til folk som har gjort ein innsats for nynorsken.
Leiaren i mållaget, Peder Lofnes Hauge, viser at til at bruken av nynorsk og dialekt i NRK har auka i åra han har vore sjef.
– Vi veit kor viktig det er med sjefar som heiar fram nynorskbruk, og som stiller krav når det trengst. Thor Gjermund Eriksen har hatt drivkraft og gjennomføringskraft for å få resulat for nynorsken, og det fortener ein Målblome, seier Peder Lofnes Hauge, leiar i Noregs Mållag. NRK har som krav frå Stortinget å ha minst 25 prosent nynorsk i publiseringar. I 2019 og 2021 nådde NRK målet.