Sian-leiar tiltalt
Politimeisteren i Oslo har tiltalt leiar i Sian, Lars Thorsen. Det melder Dagbladet. Han er tiltalt for vald, skadeverk og krenkingar.
Thorsen må møte i retten for å ha skada tre menneske ved å spraye forsvarsspray på dei. Han er også tiltalt for å spraya raud måling på kleda til ein mann og for krenkingar ved å ha spreidd ein video av hendinga på ein nettstad.
Den siste tiltalen gjeld skadeverk, der Thorsen skal ha hengt eit banner på Iman aktivitetssenter i Oslo som gjorde skade på bygninga.
– Min klient nektar straffskuld etter denne tiltalen. Som leiar for Sian kjempar han for ytringsfridom, og han vil forsvare det med alle middel, seier forsvarar John Christian Elden til Dagbladet.
Sian er ei islamfiendtleg gruppe som held markeringar der dei mellom anna set fyr på koranen. Thorsen er tidlegare dømt for hatefulle ytringar.