Danmark sin statsminister: – Heile Danmark er med dykk
Danmark sin statsminister Mette Frederiksen heldt tale under minnestunda etter skytinga i København.
Ein 17 år gammal gut, ei 17 år gammal jente og ein 47 år gammal mann blei drept under skytinga søndag.
– Vi sender varme tankar og medkjensle til de som er pårørande, som måtte vente i uvisse på livsteikn. Og mest av alt til de som mista dykkar kjære, sa ho og heldt fram:
– De skal vite at heile Danmark er med dykk. Vi sørger med dykk og deler dykkar smerte.
Fredriksen takka politi, ambulansefolk og andre menneske som stilte opp under skytetragedien på kjøpesenteret.