Geriljaleiar drepen i Colombia
Geriljaleiaren Nestor Vera, som braut ut av FARC etter fredsavtalen i Colombia, er drepen saman med ni andre geriljasoldatar, opplyser forsvarsministeren.
Vera og ein annan FARC-utbrytar, Gentil Duarte, har lenge vore to av Colombias mest etterlyste menn.
Fleire hundre medlemmer av FARC-geriljaen heldt kampen fram etter at FARC-leiinga forhandla fram ein fredsavtale med Colombias regjering i 2016 etter fleire tiår med konflikt.
Krigen har blussa opp dei siste månadene på grunn av kamp om territorium mellom FARC-utbrytarane, ELN-geriljaen, paramilitære styrkar og narkokartell. (AFP/NTB)