Matapour samtykker til forlenga fengsling
Terrorsikta Zaniar Matapour (43) etter Oslo-skytinga i juni samtykker til fire nye veker i varetekt. For fyrste gong blir varetekta utan isolasjon og medieforbod.
– Han samtykker til vidare fengsling, så lenge politiet reduserer begjæringa frå åtte til fire veker. Eg legg til grunn at Hordaland tingrett behandlar begjæringa i kontorforretning dag, seier Matapours forsvarar, advokat Bernt Heiberg.
Matapour som er sikta for terrorskyting utanfor to utestader i Oslo natt til 25. juni, har vore varetektsfengsla i full isolasjon sidan pågripinga same natt. No vel politiet å oppheve isolasjonen og medieforbodet.
– Han vil framleis sitte varetektsfengsla med brev- og besøksforbod, seier Heiberg.
(NTB)