Taliban tar radiostasjonar av lufta
0
Dei to radiostasjonane Radio Liberty (Azadi) og Voice of America har blitt fjerna frå AM- og FM-radionetta i Afghanistan.
Talspersonen Abdul Haq Hamma i informasjonsdepartementet skriv på Twitter at Azadi blei tatt av lufta fordi kanalen ikkje fylgjer journalistiske prinsipp og har ei einsidig dekking.
Kanalen er finansiert av den amerikanske kongressen, men redaksjonelt uavhengig.
– Azadi er ei livsline for titals millionar afghanarar, noko som gjer Taliban si avgjerd enno meir tragisk, seier direktør Jamie Fly.
Sidan den fundamentalistiske rørsla Taliban tok over makta i fjor haust har kanalen hans tilbode utdanningsinnhald for jenter som er hindra frå skulegang, skriv France24.