Mindreårig gut til sjukehus etter gokart-ulykke i Haugesund
0
Ein mindreårig gut framstod alvorleg skadd etter ei ulykke på ein gokart-bane i Haugesund, melde politiet i Sør-Vest laurdag ettermiddag. Berre ein person er involvert, opplyser politiet.
Då politiet kom på staden var guten køyrd avgårde til sjukehuset, fortel innsatsleiar Hennig Vik.
– Innleiingsvis var det ei alvorleg melding, men det ser ut til å ha gått betre enn det såg ut som innleiingsvis, seier Vik til NRK.
Politiet har snakka med vitnar på staden og har oppretta sak. Det verkar som ulykka skjedde under trening.
Pårørande var på staden og blei tatt hand om, fortalte operasjonsleiar Jøran Solheim til NTB.