Arif fekk «P3-prisen»
Arif fekk «P3-prisen» under P3 Gull fredag kveld. I grunngjevinga skriv juryen at Arif er ein artist av dei sjeldne, og meiner heile det siste tiåret har vore prega av musikken hans. I 2013 vann han Urørt-finalen, men då med artistnamnet Phil T. Rich.
Det blei i tillegg delt ut tre andre prisar under P3 Gull. Emma Steinbakken blei «Årets artist», Adan Foyer fekk prisen for «Årets gjennombrudd», medan Undergrunn fekk prisen «Årets låt» for «Michelin Stjerner».