Sanchez blir sittande som statsminister i Spania
Den spanske statsministeren Pedro Sanchéz seier han blir sittande, etter at han vurderte å gi seg, melder El Pais,
Sanchez kunngjorde i førre veke at han vurderte å trekke seg på grunn av det han meinte var ein trakasseringskampanje mot kona hans, Begona Gomez.
Onsdag kom meldinga om at Gomez blei etterforska for å ha misbrukt stillinga si. Det var ei lita, ytre høgre-orientert fagforeining som stod bak skuldinga.
Påtalemakta har sagt at etterforskinga truleg blir lagt bort.
Sanchez har vore statsminister i Spania sidan 2018.