Frey tok EM-gull på jaktstarten: – Eksemplarisk
Isak Leknes Frey var sterkast på jaktstarten i EM i skiskyting på Sjusjøen laurdag.22-åringen tok eit EM-gull og sikra seg sin tredje medalje i meisterskapet i år.
– Eg hadde håpa på reint bord her. Men det er mange gode verdscupløparar her, seier Isak Leknes Frey til TV 2.
– Men eg er fornøgd med EM-gull, legg han til.
Frey starta som nummer to bak franske Damien Levet, men tok leiinga allereie etter andre skyting.
– Dette er eksemplarisk. Han viser ein enorm skytestyrke her i dag, sa TV2s ekspert Tiril Eckhoff då Frey hadde 15 av 15 treff.22-åringen bomma to på siste ståande, men 18 av 20 treff heldt likevel til ein overlegen siger.
– Det er ein liten sprekk det der, sa TV 2s skiskyttarekspert Ole Einar Bjørndalen etter Frey sine to bom på siste skyting.
Tyske Leonard Pfund tok andreplassen, mens Simon Kaiser tok tredjeplassen. Martin Nevland hamna utanfor pallen, og tok fjerdeplassen.
No ventar OL i Milano og Cortina der Frey er tatt ut som reserve på det norske laget.