Mann busett i Noreg sikta for krigsbrotsverk
Kripos opplyser i ei pressemelding at dei har utvida siktinga mot mannen i 50-åra som er skulda for å ha ei sentral rolle i ein pågåande væpna konflikt i Kamerun. Mannen som er busett i Noreg vart arrestert i september 2024 og vart sikta for å ha oppmoda til brotsverk mot menneskeslekta. Saka er unik i norsk samanheng, og har kravd mykje etterforsking rå Kripos si side.
No er siktinga utvida, og han er også sikta for krigsbrotsverk, noko som ifølge Kripos inneber drapsforsøk og å frårøve folk fridomen deira. Kripos opplyser samtidig om at det er behov for ytterlegare etterforsking i saka.
– Noreg har eit internasjonal ansvar for å sørge for at me ikkje er frihamn for personar som gjer krigsbrotsverk og brotsverk mot menneskeslekta, seier Anette Berger i pressemeldinga frå Kripos.
Mannen har lenge nekta for at han har gjort noko straffbart, og han meiner Kripos har misforstått hans rolle i konflikten.