Ny direktør for Louvre-museet
0
Kunsthistorikaren Christophe Leribault blir ny direktør for Louvre-museet i Paris, ifølge nyheitsbyråa AP og Reuters.
Leribault kjem frå stillinga som sjef for Versailles-slottet.
Tysdag blei det kjent at Laurence des Cars bad om å få gå av som direktør etter fleire skandalar ved museet.
Søknaden blei innvilga av president Emmanuel Macron.
Tidlegare i februar blei det kjent at ni personar var gripne for billettsvindel ved museet over fleire år.
Museet har også fått kritikk for sikkerheita ved museet etter at tidlegare franske kronjuvelar blei stolne frå Louvre i oktober i fjor.