Problema med Skatteetaten sine nettsider er retta
0
Onsdag fekk fleire personar opp ukjente personar i det dei logga inn på Skatteetaten sine nettsider.
Feilen skal no vere retta.
– Etter ei oppdatering i våre system i ettermiddag, oppstod ein kortvarig visingsfeil på Skatteetaten sine nettsider. Denne feilen er no retta.
Det seier pressesjef i Skatteetaten Christer Gilje i ei tekstmelding til NRK.
Feilen hos Skatteetaten førte til at nokon som logga seg inn «fekk opp ei liste over andre sine namn som dei tilsynelatande kunne sjå informasjon om».
– Våre undersøkingar tyder på at ingen kunne komme vidare for å sjå eller endre andre sine skatteforhold, som til dømes skattemeldinga, seier Gilje.
Skatteetaten beklagar for feilen. Det er ikkje kjent kor mange som var råka av feilen.