Brannen i Ålesund: Kan bli aktuelt med mobilsporing
0
Det kan bli aktuelt med mobilsporing i samband med etterforskinga av brannen ved Sukkertoppen i Ålesund.
Tysdag ettermiddag starta det å brenne i terrenget og det utvikla seg etter kvart til ein kraftig brann. Nesten 300 blei evakuerte.
Politiet jobbar framleis for å etterforske årsaka til brannen. Mobilsporing kan bli brukt for å kartlegge kven som var i område før brannen starta, fortel Arne Lid Skodje, etterforskingsleiar i politiet.
– Dette er eit område som blir brukt av mange, så det vil naturleg nok gi veldig mange treff. Men det kan vere ein måte å plukke ut enkeltpersonar som vi vil snakke meir med.
Politiet ber framleis om tips. Spesielt alt av bilde og video i forkant av brannen er av interesse.