په شمالي وزیرستان کې یو ځایي چارواکی وژل شوی
پاکستاني چارواکي وایې، د شمالي وزیرستان په قبایلي سیمو کې یو چارواکی په یوه غرنۍ سیمه کې د کمین په نتیجه کې په ډزو وژل شوی او درې سیمه ییز امنیتي سرتېري ټپیان شوي دي.
دا پېښه تېره ورځ شوې ده.
تر اوسه کومې ډلې ددې پېښي مسؤلیت نه دی منلی.
حمید الله وزیر په شمالي وزیرستان کې د سیاسي چارو په اداره کې کار کاوه.
د هغه پلار هم چې د حکوم لپاره یې کار کاوه، څو کاله دمخه په همدې سیمه کې د طالبانو له خوا وژل شوی و.