په کندهار کې د پوليسو له روزنيز مرکزه ۱۱۲ پوليس فارغ شول
په یاد ولایت کې په دې اړه په جوړو شویو مراسیمو کې د کندهار د پولیسو د روزنیز مرکز چارواکو وویل چې په دغه پروګرام کې پوليسو ته د خلکو د حقونو، د جنایي جرمونو د پلټنې، تاکتیکي جګړې او عقیدتي چارو په برخه کی زده کړې ورکول شوي دي.
د کندهار پوليس چارواکي وایي چې سږ کال به د کندهار د پوليسو په روزنیز مرکز کي شااوخوا درې زره تنه پوليس په اختصاصي او اساسي برخو کې وروزي.
د پولیسو د فراغت په دغو مراسمو کې۱۲ تنو پولیسو ته د دندو د ښې اجرأ له امله د دوهم څارن رتبې هم ورکړل شوې.
چارواکي وایي، پوليس دا مهال د خپلو اصلي دندو پر ځای د جګړې په لومړۍ کرښه کې جنګېږي چې دا کار په ډېرو مواردو کې د هغوی مرګ ژوبله هم زياتوي.