د سولې ولسي حرکت غړي نرخ ولسوالۍ ته ورسېدل
له هلمنده تر کابله، د هلمند د سولې ولسي حرکت غړي، نن د ميدان وردګ ولايت نرخ ولسوالۍ ته رسېدلي دي.
د دغه حرکت مطبوعاتي مسوول بسم اله وطندوست ازادۍ راډيو ته وويل، چې د غړو شمېر يې په زياتېدو دى:
”د ولسي حرکت غړو له شيخ اباد سيمې حرکت کړى اوس د نرخ ولسوالۍ په دراني سيمه کې دي. د کاروان د غړو رسمي شمېر اوس ٧٧ ته رسېدلى دى.“
د سولې ولسي حرکت غړي مياشت کېږي چې له لښکرګاه څخه د کابل پر لوري پياده روان دي.
دوی د جګړې له ښکېلو خواوو غواړي چې جګړه بنده او د سولې خبرې پیل کړي.