د یوه تونسي له نیولو سره په جرمني کې د یوې حملې مخه ونیول شوه
د جرمني چارواکو نن د جمعې په ورځ وويل، د تونس د يوه وګړي له نيول کېدو سره احتمالاً د يوې تروريستي حملې مخه نيول شوې ده.
پر ده د بيولوژيکي وسلې د جوړولو شک کېږي.
دغه ٢٩ سړى چې نوم يې سيف الله اېچ ياد شوى، وروسته له هغې په کُلن ښار کې ونيول شو چې تېره سې شنبه يې له اپارتمانه د ريسين په نوم زهرجن مواد وموندل شول.
د دې ادارې مشر هانس ګيورګ ماسين يوې محلي ورځپاڼې ته وويل، شواهد تر يوه حده دا يقيني کوي چې يوه تروريستي حمله شنډه کړاى شوې ده.
څارنوالان وايي، دغه سړي له افراطي وسلهوالو سره اړيکې درلودې، خو پهدې اړه چې ايا دى د کوم تروريستي سازمان غړى و که څنګه؟ شواهد نهشته.