امریکا ترکیې ته ګواښ کړی چې له روسیې د راکټ ضد سیسټم وانه خلي
د امریکا د بهرنیو چارو وزارت مرستیال ویس میچیل د امریکا سنا جرګې بهرنیو اړیکو کمېټې ته ویلي، که ترکیه چې د ناټو متحده ده له روسیې د دافع هوا سیسټم وپيري د روسیې په دفاعي سکټور د امریکا بندیزونه به نقض کړي.
دغه امریکايي چارواکي ویلي، که روسیه دا سیسټم له روسیې واخلي د امریکا اف ۳۵ الوتکې نه شي ترلاسه کولی.
د امریکا په کانګرس کې پر ترکیې د اف ۳۵ الوتکو د پلورو لایحه مطرح شوې ده.
ترکي چارواکو تازه د امریکا د دې ګواښ په اړه غبرګون نه دی ښودلی، خو تېره اوونې د ترکیې دفاع وزیر نوریتین جانیکیله د امریکا غوښتنه چې ترکیه له روسیې اس څلور سوه سیسټمونه ونه پیري یو" بلک مېل" یاد کړ او رد یې کړه.
هغه وویل ترکیه د ناټو د غړې په توګه ټولو ژمنو ته ولاړه ده او له امریکا د اف پنځه دېرش جټ الوتکو په وخت رسېدو ته په تمه ده.