د غزني پولیسو کابل او ننګرهار ته د قاچاقو مخه نیولې
د غزني پولیسو کابل او ننګرهار ته د نشهيي موادو د قاچاقو مخه نیولې ده.
د غزني ولایت امنیه قوماندان فرید احمد مشعل د چهارشنبې په ورځ ازادي راډیو ته وویل چې دوه کسان هغه مهال ونیول شول چې غوښتل یې ۱۰کیلو ګرامه هیرویین په بس کې له کندهاره کابل او بیا له هغه ځایه ننګرهار ته قاچاق کړي.
نوموړی وايي:
"دا نشهيي مواد د انرژۍ په بوتلونو کې ځای پر ځای شوي او غوښتل يې چې په ۳۰۳ بينز موټر کې یې د دوو کسانو په واسطه کابل او بیا له هغه ځایه ننګرهار ته انتقال کړي چې د سپندې په سیمه کې پولیسو ونیول."
د یادونې وړ ده چې غزني د نشهيي موادو د قاچاقو په لاره بدل شوی او پهدې وروستیو کې پولیسو د نشهيي موادو د قاچاقو د څو پېښو مخه نيولې ده.