Новости за 04.09.2021

په پولنډ کې د زهري مرخېړیو د سوپ د خوړو له کبله د یوې افغانې کورنۍ یوه بل ماشوم هم پرون ساه ورکړه. دا افغانان تېره اوونۍ له افغانستانه د هوا له لارې د خلکو د اېستلو د عملیاتو په ترڅ کې پولنډ ته رسېدلي وو او د راپورونو له مخې د قرنطین مرکز ته له یوه نژدې ځنګله څخه یې دا مرخېړي راټول کړي. پولنډي داکټرانو دې شپږ کلن ماشوم ته بېړنۍ وېنه پیوند کړې وه، خو ویې نه شو کړای چې د هغه ژوند وژغوري. د دې ماشوم یو بل پنځه کلن ورور د پنجشنبې په ورځ د پولنډ د ماشومانو په مرکزي روغتون کې ساه ورکړه، خو د دوی ۱۷ کلنه خور له علاج وروسته له روغتونه رخصت شوه. Читать дальше...

امریکايي چارواکي اټکل کوي چې د کابل له سقوط وروسته به لږ تر لږه پنځوس زره نور افغانان هم په امریکا کې ومنل شي. دا د متحدو ایالاتونو د هغو ژمنو یوه برخه ده چې له افغانستانه د وتلو پر مهال یې له هغو افغانانو سره کړې وه چې ژوند یې د طالبانو په واکمنۍ کې تر ګواښ لاندې دی. د امریکا د کورني امنیت وزیر الېجاندرو مایورکاس پرون جمعه (د وږي په ۱۲مه) په داسې حال کې چې د دې هڅو جزئیات یې څرګندول وویل: "موږ پر خپله ژمنه ولاړ یو. دا د راتلونکو څو اونیو خبره نه ده بلکې تر هغه وخته خوب او ارام ونه کړو چې دې... Читать дальше...

د جرمني د بهرنیو چارو وزیر په افغانستان کې د ژمي له راتلو مخکې د انساني ناورین د مخنیوي لپاره د چټکو اقداماتو غوښتنه کوي. هایکو ماس پرون جمعه (د وږي په ۱۲مه )وویل چې د مشخصو اقداماتو او همکاریو له لارې د داسې یوه ناورین مخنیوی امکان لري. له بلې خوا د بشري حقونو د څار سازمان له افغانستان سره د مرستندویو هېوادونو او ټولنو د بېړنیو بشري مرستو غوښتنه کړې. د هیومن رایټس واچ د اسیايي څانګې مشرې پترېشا ګاسمن دا غوښتنه پرون له ازادي راډیو سره په خبرو کې وکړه. ګاسمن وویل: "مرستندویان باید پردې موافقه... Читать дальше...

د افغانستان د سوداګرۍ او صنایعو د خونې مرستیال وايي چې نن شنبې به د کابل د صرافانو لوی مرکز شهزاده سرای پرانیستل شي. خانجان الکوزي ازادي راډیو ته وویل، دا پرېکړه د مالیې او سوداګرۍ وزارتونو له چارواکو سره د صرافانو د ټولنې، د هېواد د خصوصي بانکونو د ټولنې او د سوداګرۍ او صنایعو د خونو د استازو له خبرو وروسته وشوه. ښاغلي الکوزي زیاته کړه چې دې برخه کې به یو لړ ستونزې وي، خو هغه ډاډ ورکړ چې چارواکو یې د حل ژمنه کړې ده. الکوزي وويل: "عمده خبره دا ده چې که صرافیانې خلاصې هم شي، خو چې افغانستان... Читать дальше...

کابل کې ښځینه مظاهره کوونکو راتلونکې حکومت کې د ښځو د ګډون غوښتنه وکړه. څو تنه ښځو او نجونو د جمعې په ورځ په کابل کې د یو اعتراضي لاریون په ترڅ کې د دې ښار له نوېو واکمنو وغوښتل چې د افغان ښځو او نجونو حقونه دې ورکړي. دا افغان ښځې داسې وخت د خپلو حقونو لپاره غږ پورته کوي چې د اګسټ د پنځلسمې نېټې راهېسې کابل د طالبانو په واک کې دی او دا مهال د نوې حکومت پر جوړولو بوخت دي. نور په دې ویډیويي راپور کې وګورئ.

د اروپايي ټولنې د بهرنۍ پالیسۍ مشر له افغانستان سره د مرستو د دوام لپاره پر هغو شرایطو رڼا واچوله چې د اروپايي ټولنې د بهرنیو چارو وزیرانو په خپله پرونۍ غونډه کې موافقه پرې وکړه. جوزیف بورېل د سلووینیا په بردو ښار کې د دې ټولنې د بهرنیو چارو د وزیرانو له غیر رسمي غونډې وروسته په یوه خبري غونډه کې وویل، اروپايي ټولنه د دې لپاره چې د افغانانو ملاتړ وکړای شي باید د افغانستان له نوي حکومت سره تماس او تعامل ولري. ښاغلي بورېل وویل، د دې لپاره چې طالبان له اروپايي ټولنې سره ګډ کار وکړي باید دا ضمانت... Читать дальше...

د امریکا د بهرنیو چارو وزیر وايي چې د راروانې یکشنبې په ورځ به قطر ته ولاړ شي او له افغانستانه د بهرنیو وګړو او افغانانو د وتلو په چاره کې د مرستې په خاطر به د دې هېواد له مشرانو مننه وکړي. انتوني بلېنکن دا څرګندونې تېر ماښام په واشنګټن کې په یوه خبري غونډه کې وکړې. هغه زیاته کړه چې د قطر په پلازمېنه دوحه کې به له افغانانو او قطري چارواکو سره وګوري: "زه دوحې ته روان یم او هلته به له قطري مشرانو سره وګورم څو د خلکو د رااېستلو په هڅو کې د مرستې په خاطر له هغو ژوره مننه وکړم. له افغانانو، همکارانو... Читать дальше...

روسیې څلور نورې رسنۍ هم پرون جمعه د بهرنیو اجنټانو په نوم ونومولې. له دې سره د هغو خبري ادارو او ژورنالیستانو لېست نور هم اوږد شو چې منتقدان یې د روانې میاشتې په وروستیو کې د پارلماني انتخاباتو په درشل کې د خپلواکو رسنیو پر ضد د کرملین اقدامات بولي. د روسیې د عدلیې وزارت پرون جمعه (د وږي په ۱۲ مه) اعلان وکړ چې څلور قانوني ادارې یې د هغو بهرنیو رسنیو په فهرست کې شاملې کړي چې د بهرنیو اجنټانو په توګه فعالیت کوي. د څلور واړو رسنیو مالي ملاتړ هغو روسي ژورنالیستانو کاوه چې مخکې له دې یې هم نومونه د افرادو په توګه په دې لېست کې وو. Читать дальше...