امنیتي چارواکي: بغلان کې ماین چاودنې ۲ پولیس وژلي
د بغلان ولایت په نهرین ولسوالي کې د سړک غاړې ته د ماین چاودنې په نتيجه کې دوه پولیس وژل شوي او څلور نور ټپیان شوي دي.
د بغلان یوه امنیتي چارواکي چې نه یې غوښتل نوم یې خپور شي، ازادي راډيو ته وویل چې دا پېښه نن (د جولای په ۳یمه) داسې مهال رامنځته شوه چې د پولیسو موټر پر ماین وخوت.
د بغلان د پولیسو ویاند واما جاوېد تائيدوي چې په دې پېښه کې پولیسو ته تلفات اوښتي خو د شمېر په اړه یې څه نه دي ویلي.
نهرین ولسوالي د بغلان په ختيځ کې موقعیت لري او د دې ولایت له ناامنو ولسوالیو ګڼل کېږي.