د تېرو کلونو پرتله بهرنیو هېوادونو ته د انارو صادرات زیات شوي
د دې وزارت ویاند جواد دبیر ازادي راډیو ته وویل، په ۱۳۹۶ کال کې د افغانستان انار یوازې پاکستان، هندوستان او عربي متحده اماراتو ته لېږدول کېدل په داسې حال کې چې اوس مهال چین، جرمي، ترکیې او سویډن کې هم د افغانستان انار ښه بازار لري.
د سوداګرۍ او صنعت وزارت د معلوماتو له مخې په تېرو څو کلونو کې بهرنیو هېوادونو ته د انارو صادرات نږدې ۶۰۰۰ ټن وو، په داسې حال کې چې اوس یې کچه ۶۲ زره ټنو ته رسېدلې ده.
د ښاغلي دبیر په وینا، که افغان سوداګر د انارو صادراتو کې د بهرنیو هېوادونو معیارونه په پام کې ونیسي نو ډېر ژر به د انارو صادراتو برخه کې لویې لاسته راوړنې ولرو.