چارواکي: سالنګ لویه لاره د باروړونکو موټرو پرمخ تړل شوې
سالنګ لویه لاره د باروړونکو موټرو پرمخ تړل شوې ده.
د سالنګونو د حفظ او مراقبت د ادارې اجراییوي مسول سمیع الله ولیزاده ازادي راډیو ته وویل، چې دغه لویه لاره د درنو واورو او سختو طوفانونو له امله له نن سهار څخه د باروړونکو موټرو پرمخ تړل شوي خو د نورو مسافروړونکو موټرو چې پر چاینونو او نورو ژمنیو تجهیزاتو سمبال وي، پرمخه خلاصه ده.
د ولیزاده په وینا، د هواپېژندنې ادارې د اټکل له مخې ترراتلونکو ۴۸ پورې به په سیمه کې واوره اورېږي.