کابل کې د زورخانه يي سياليو ۶مه دوره لوبې پای ته ورسېدې
په کابل کې د زورخانه يي سياليو شپږمه دوره لوبې تېره ورځ پای ته ورسېدې.
د افغانستان د المپيک ملي کمېټې د مطبوعاتو برخې مسؤل مجيب قاري زاده نن پنجشنبه (لېندۍ ۶مه) ازادي راډيو ته وويل، دغه سيالۍ روانه اوونۍ د دوشنبې په ورځ پيل شوې وې، هغه وویل په دې سیالیو کې ۱۲۰ لوبغاړو ګډون درلود چې ۴۰ يې د کابل ملي لوبډلې لپاره غوره شوه.
د ښاغلي قاري زاده په خبره، دغو لوبغاړو درې ورځې د يو بل پر وړاندې سيالۍ وکړې.
هغه وايي، په دې سياليو د کابل له ۱۳ کلپونو لوبغاړو ګډون کړی وو.