هرات کې لسګونه ټنه الکولي توکي وسوځول شول
په دې اړه د هرات امنيه قوماندانۍ وياند عبدالاحد ولي زاده رسنیو ته وويل، د هرات له نشه يي موادو سره د مبارزې ځانګړو پولیسو او نورو امنيتي ځواکونو ۶۵۴ لېټره شراب او پريکرسرونه، دغه ډول ۳۶۲۴۹ کيلوګرامه سوډيم کلورايډ وسوځول.
د يادونې وړ ده چې پولیسو دا مواد په تېرو دوو وروستیو کلونو کې په هرات ښار او ولسوالیو کې د عملياتو په نتيجه کې نيولي وو.
د دې موادو د قاچاقو په تور د څلورو بهرنيانو په ګډون ۴۳۵ تنه هم نيول شوي او د عدلي او قضايي ادارو له خوا مجازات شوي دي.