ټرمپ: که د بريکس غړي هېوادونه په ډالرو راکړه ورکړه کمه کړي، پر وارداتو يې سلسلنه تعرفه وضع کوم
بریکس د اقتصادي همکاریو ټولنه ده چې د برازیل، روسیې، هند، چین او جنوبي افریقا په ګډون یوشمېر هېوادونه غړیتوب پهکې لري.
ښاغلي ټرمپ پرون (د نوامبر ۳۰مه) د ټروت یا حقیقت په نوم پر ټولنیزه شبکه ولیکل چې، د دې لپاره چې بریکس د ډالر پرځای په خپل یا په بل پولي واحد راکړه ورکړه ونهکړي، یوه کلکه ژمنه په کار ده.
ټرمپ دا څرګندونې داسې مهال کوي چې، د بریکس غړو تېره میاشت د روسیې په کازان ښار کې په خپله غونډه کې له ډالرو پرته په نورو اسعارو د راکړې ورکړې او د سیمهيیزو پولي واحدونو د پیاوړتیا په اړه بحث وکړ.