د پاکستان له زندانونو ۵۳ آزاد شوي افغانان بیرته افغانستان ته ستانه شول
د طالبانو د حکومت د کډوالو او بیرته راستنیدونکو چارو وزارت پرون سې شنبې په خپله ایکس پاڼه یا پخواني ټویټرکې ولیکل چې دغه ۵۳ بندیان چې پکې د یوې کورنۍ اته غړي هم شامل او په دې وروستیو کې د پاکستان له زندانونو خوشې شوي و، د سپن بولدک له لارې بیرته افغانستان ته ستانه شول.
د تیرکال د نومبرله میاشتې راهیسې چې پاکستان له خپلې خاورې د بې اسناده افغان کډوالو د په زوره ایستلو بهیر پیل کړی، په دې هیواد کې په زرګونو کسان د پولیسو له خوا نیول شوي دي. د ملګروملتونو د کډوالو لویې کمیشنیرۍ او د مهاجرت نړیوال سازمان په دې وروستیو کې په یوه ګډ راپورکې وویل چې په دې وروستیو کې په پاکستان کې د افغان کډوالو د نیولو بهیربیا ګړندۍ شوی دی.