اسراییلي چارواکی؛ممکن اسراییل د علي خامنه ای په ګډون پر یو شمیر لوړپوړو ایراني چارواکو بریدونو وکړي
یو اسراییلي چارواکی وايي، د دې احتمال شته چې د ایران مذهبي مشر ایات الله علي خامنه ای د هغوو کسانو په لیست په کې وي چې اسراییل غواړي برید پرې وکړي.
دغې اسراییل چارواکي د نوم نه ښودل په شرط وال سټریټ ژورنال ته ویلي، "اسراییل د ایران د اټومي پروګرام د له منځه وړلو په موخه له هیڅ کړنې مخ نه ګرځوي "هیڅ هدف مستثنا نه دی حتي خامنه ای".
تراوسه اسراییلي چارواکو په رسمي ډول په دې اړه څه ویلي نه دي.
وال سټریټ ژورنال د دغه اسراییلي چارواکي په حواله وړاندې لیکلي، د اسراییلو موخه یوازې د ایران د اټومي پروګرام له منځه وړل نه، بلکې اسراییل غواړي په سیاسي او پوځي برخو کې دا هېواد ضعیفه کړي.
تراوسه ایراني چارواکو د وال سټریټ ژورنال د دغه راپور په اړه څه ویلي نه دي.