د مردان له جلاله کیمپه د افغان کډوالو کډې وطن ته روانې دي
د پاکستان لخوا په هغه هېواد کې مېشتو مهاجرت کارډ (پروف اف رجسټریشن یا پي او ار) لرونکو افغانانو ته د ورکړل شوي مهلت له پای ته رسېدو وروسته، د افغان کډوالو وطن ته د ستنېدو لړۍ پیل شوې ده. د مردان په جلاله کیمپ کې هم له تېرو څو لسیزو نه زیات شمېر افغان کډوال اوسېدل چې اوس یې کورونه سپړلي او د وطن په لوري کډې باروي. دوی وايي د پاکستان پرېکړې دوی اړ کړي چې وطن ته ولاړ شي.
پاکستان تر دې وړاندې افغان کډوالو ته د اګست تر ۳۱مې پخپله خوښه وطن ته د ستنېدو نېټه ټاکلې وه او ویلي یې وو چې د سېپټېمبر له لومړۍ نېټې نه به دوی په جبري ډول ستنول کېږي.
د مشال راډیو خبریال راپور لري.