“Mirëdita, dobar dan!” nis me protestë në Beograd
Organizatat djathtiste në Serbi kanë protestuar në Beograd, teksa ka nisur festivali “Mirëdita, dobar dan!”. Forca të shtuara të sigurisë kanë mbrojtur objektin ku po mbahet ky festival në Beograd, pasi disa qindra persona protestuan. Gjatë ceremonisë hapëse, një person ka ndërprerë fjalimet, por më pas ai është shoqëruar nga policia. Partia e djathtë, “Zavetnici” ka organizuar protestën, ku pjesëmarrësit kanë kënduar këngë për Kosovën dhe kanë fyer pjesëmarrësit e festivalit. Ky festival, i cili publikut ia prezanton skenën kulturore dhe shoqërore të Kosovës, do të zgjasë deri më 24 tetor.