Shpërthim i madh në një park industrial në Gjermani

Një shpërthim i madh në një park industrial në qytetin gjerman Leverkuzen, ka nxitur alarm për “rrezik ekstrem” dhe ka shtyrë zyrtarët që t’iu bëjnë thirrje banorëve që të mbyllen brenda dhe të mbyllin dritaret.


Chempark ka brenda vetes kompani të mëdha kimike, përfshirë, Bayer dhe Lanxess.


Currenta, kompania që menaxhon Chempark, ka thënë se shpërthimi i 27 korrikut, ka ndodhur në një zonë ku digjen mbeturinat.


Ende askush nuk e di çfarë e ka shkaktuar shpërthimin.


Në disa pamje në rrjetet sociale është parë tym i madh duke dalë nga zona kimike.


Policia në qytetin e afërt, Këln, ka thënë në Twitter, se është duke mbyllur disa autostrada në zonën në Leverkuzen, për shkak të “dëmit të madh”.


Ende nuk është bërë e qartë nëse ka të plagosur, si pasojë e shpërthimit.


Banorët kanë thënë se zhurma është dëgjuar nga distanca dhe se disa dritare kanë kërcitur nga shpërthimi i fuqishëm.