Biden: Kosova është në zemrat e familjes sime
Presidenti i SHBA-së, Joe Biden, ka thënë se familja e tij ndihet e nderuar pasi presidentja e Kosovës, Vjosa Osmani, ndau medalje për djalin e tij të ndjerë Beau Biden, i cili kishte shërbyer në Kosovë pas mbarimit të luftës. “Puna e Beaut në Kosovë ka qenë e përzemërt. Ai e ka dashur shtetin tuaj”, i ka thënë Biden presidentes Osmani, përmes një video mesazhi. Ambasadori amerikan në Kosovë do ta pranojë medaljen të dielën, në një ceremoni të organizuar nga Presidenca e Kosovës.