Zuckerberg kërkon falje për ndërprerjen e Facebook-ut
![Zuckerberg kërkon falje për ndërprerjen e Facebook-ut](https://gdb.rferl.org/A62D5C80-F7B6-4CF2-8A4D-A837934DEEF2_w800_h450.jpg)
Themeluesi i Facebook-ut, Mark Zuckerberg, kërkoi falje për ndërprerjen gati gjashtëorëshe të rrjetit të tij social.
Një ditë më herët, bashkë me Facebook-un ranë edhe dy platformat e tij: Instagram dhe WhatsApp.
Zuckerberg tha se kjo ka ndodhur si pasojë e një çështjeje të brendshme teknike.
Facebook tha se nuk ka “asnjë provë që tregon se të dhënat e përdoruesve mund të jenë komprometuar”.
Vetë Zuckerberg besohet se ka humbur rreth 6 miliardë dollarë nga pasuria e tij personale, pasi aksionet e Facebook-ut humbën në vlerë.
“Unë e di se sa mbështeteni në shërbimet tona për t'u lidhur me njerëzit që doni”, tha Zuckerberg teksa kërkoi falje.
Ndërprerja e platformave sociale besohet të ketë prekur mbi 3.5 miliardë përdorues në të gjithë botën.