Vdes ish-lideri sovjetik, Mikhail Gorbachev

Ish-lideri sovjetik, Mikhail Gorbachev, vdiq në moshën 91-vjeçare.

Nga spitali ku po trajtohej, thanë se ai "vuante nga një sëmundje e gjatë dhe e rëndë".

Gorbachev, i cili mori detyrën në vitin 1985, ishte i njohur për hapjen e Bashkimit Sovjetik dhe për afrimin e tij me Perëndimin.

Politika e tij e "glasnost"-it, apo e hapjes, u mundësoi njerëzve të kritikonin qeverinë në një mënyrë që më herët ishte e paimagjinueshme.

Por, ajo nxiti edhe ndjenja nacionaliste në shumë rajone të vendit, të cilat më vonë çuan në kolapsin e tij.

Në aspektin ndërkombëtar, Gorbachev arriti marrëveshje për kontrollin e armëve me SHBA-në dhe refuzoi të ndërhynte kur vendet e Evropës Lindore u ngritën kundër sundimtarëve të tyre komunistë.

Në Perëndim, ai u njoh si arkitekt i reformave, që më pas krijuan kushte për përfundimin e Luftës së Ftohtë.

Në Rusinë e re, që doli pas vitit 1991, Gorbachev u tërhoq nga politika, duke u fokusuar në projekte arsimore dhe humanitare.

Ai bëri përpjekje për t'u kthyer në jetën politike në vitin 1996, por në zgjedhjet presidenciale mori vetëm 0.5% të votave.

Lajmi po përditësohet...