Замони мулоқоти раҳбарони Кореяи Шимолӣ ва Ҷанубӣ эълон шуд
Раҳбари Кореяи шимолӣ Ким Чен Ун рӯзи 27 апрел бо президенти Кореяи Ҷанубӣ Мун Ҷе Ин дар деҳкадаи Панмунҷом, минтақаи байни ду Корея мулоқот мекунад. Дар ин бора рӯзи 29 март хабаргузории Кореяи Ҷанубӣ -Рёнхап бо такя ба мақомоти Сеул гузориш дод.
Ин сеюмин нишаст аз замони ҷанги солҳои 1950-1953 аст ва эҳтимол дар заминаи талошҳои умумии дипломатӣ барои ҳалли муқовимат дар атрофи барномаи ҳастаии Кореяи Шимолӣ қадами муассире хоҳад буд. Маълумот дар бораи нишасти зудрас баъди мулоқоти сатҳи олии ду кишвар, дар таърихи 28 март, пахш шуд.
Хабаргузории Рёнхап рӯзи 29 март навишт, ки 4 апрел боз як нишасти омодагӣ барои баҳси масоили протокол, амният ва пӯшиши матбуотӣ баргузор хоҳад шуд.
Раҳбарони ҳарду Корея дар гузашта - солҳои 2000-2007, дар замони раҳбарони пешини кишварҳо танҳо ду музокирот доштанд.