FBI Русияро ба талоши эҷоди ихтилоф дар ИМА муттаҳам кард
Рэй рӯзи 18 июл дар маросими ифтитоҳи Форуми амниятӣ дар Аспен (аёлати Колорадо) гуфт, ки аз гузориши хадамоти махусуси Амрико дар робита ба дахолати Маскав ба умури интихоботи соли 2016 пуштибонӣ мекунад. Раҳбари FBI ҳамчунин изҳороти президенти Русия Владимир Путинро, ки мегӯяд, ин кори Русия нест, рад кард. "Назари ҷомеаи истихбороти ИМа ба ин масъла таъғир наёфтааст ва ақидаи ман ҳам дигар нашудааст"- гуфт Кристофер Рэй.
Ӯ ҳамчунин пешниҳоди Путин барои иҷозаи бозпурсии 12 афсари боздоштшудаи истихбороти Русия, аз тарафи муфаттишони ИМА, дар ивази бозпурсии шаҳрвандони ИМА дар Русияро рад кард. 12 афсари истихбороти Русия ба талоши таъсиргузорӣ ба интихоботи соли 2016 муттаҳам шудаанд. Кохи сафед гуфтааст, ки ин пешниҳодро баррасӣ мекунад, аммо Рэй онро рад кард.
Изҳороти Кристофер Рэй дар пасманзари ҳолате садо дод, ки оё президенти ИМА баҳои ҷомеаи истихбороти Амрико, дар заминаи дахолати Русия ба интихоботи президентии соли 2016-ро қабул мекунад ё не.