Толибон се сарбози НАТО-ро куштанд
Як бомбгузори маргталаб дар шарқи Афғонистон се сарбози нерӯҳои НАТО-ро куштааст. Дар ин бора артиши Амрико рӯзи 5-уми август бо нашри як баёнияи расмӣ хабар дод ва гуфт, ки се узви Нерӯҳои кӯмакӣ ҳангоми гаштзании муштарак бо нерӯҳои афғон ҳадафи ҳамла қарор гирифтаанд.
Ҳуввияти сарбозон ва аз кадом кишвар буданашонро нагуфтаанд. Масъулияти ҳамларо Толибон бар дӯш гирифтанд. Ҳамла дар вилояти Парвон дар маҳаллаи Қалъазай ба вуқӯъ пайвастааст.
Паймони НАТО соли 2014 маъмурияти ҷангӣ дар Афғонистонро расман хотима дод, вале ҳазорон сарбози кишварҳои увз то ҳол дар тамрин ва анҷоми амалиёти зиддитеррористӣ ба нерӯҳои афғон кӯмак мекунанд.