Кремл таҳдиди Қодиров ба фаъолони ҳуқуқи башарро шарҳ дод
Сухангӯи Кремлин Дмитрий Песков ваъдаи Рамазон Қодировро шаҳр дод, ки гуфтааст ҳамаи фаъолони ҳуқуқи инсонро аз Чеченистон берун мекунад.
"Намедонам, шояд ин ҳарфҳоро аз матн канда бошанд, аммо ман муътақидам, ки ин суханон ба ҳамаи ҳомиёни ҳуқуқи инсон дар кишвари мо дахл надоранд",- гуфт Песков. Ӯ ҳамчунин даъват кард, ки "дар байни фаъолони ҳуқуқ фарқ гузоранд, зеро бисёри онҳо вазифаи муҳимро иҷро мекунанд ва аз эҳтиром бархурдоранд".
Ахиран Рамазон Қодиров дар ҳузури ходимони Вазорати корҳои дохилӣ гуфт, ки "ҳар як лашу луши фурӯхташуда аз ҳар канори дунё" ба мурофиаи Аюб Титиев меояд. Қодиров фаъолони ҳуқуқи башарро "террористу экстремист" номид ва қавл дод, ки баъди додгоҳи Титиев Чеченистон барои онҳо "қаламрави мамнӯъ" хоҳад буд. Ба гуфти ӯ фаъолони ҳуқуқи инсон намегузоранд, ки мардуми Чеченистон ором зиндагӣ кунад. Рамазон Қодиров корманди созмони "Мемориал" Аюб Титиевро, ки ба нигаҳдории маводи муҳхаддир муттаҳам шудааст, "муътод" унвон кард.
Шӯрои Аврпуо ва созмонҳои байналмилалӣ қазияи Титиевро сохта медонанд ва талаб кардаанд, ки ӯ оҷилан озод шавад.