Қазияи Хошуқҷӣ эҳтимол муомилоти Канада ва Риёзро баҳам мезанад
Ҳамчун вокуниш ба куштори журналист Ҷамол Хошуқҷӣ, Канада масъалаи лағви қарордоди низомӣ бо Арабистони Саудиро баррасӣ мекунад. Нахуствазири Канада Ҷастин Трюдо рӯзи 17 декабр гуфт, ки ҷаримаи даст кашидан аз қарордод беш аз миллиард доллар аст.
Созишномаи фурӯши техникаи низомии Канада ба Саудӣ соли 2014 имзо шуд. Маблағи муомилот 13 милилард доллар аст. Канада бояд ба Риёз беш аз 900 худрави пиёданизоми LAV 700 фиристад. Моҳи сентябр теъдоди таслиҳот бо ибтикори ҷониби Риёз коҳиш ёфт.
Охири моҳи ноябр Канада дар заминаи куштори Ҷамол Хошуқҷӣ дар консулгарии Арабистони Саудӣ дар Истамбул 17 табаи саудиро таҳрим кард. Вазорати хориҷии Канада ин ҷиноятро "ҳамлаи берӯёна ба озодии баён" номид.
Мақолнависи The Washington Post Ҷамол Хошуқҷӣ, ки аз мунақидони Риёз буд, аввали мои октябр барои омода кардани санадаҳои издивоҷаш ба консулгарии Саудӣ дар Истамбул рафт ва дар онҷо кушта шуд. Хадамоти махсуси ИМА ва Туркия мегӯянд, ки раҳбарони олии Арабистони Саудӣ дар ин куштор даст доранд. Риёз инро рад мекунад.